НЕПРЫЗНАНЫ ЛІТАРАТАР З-ПАД КРЭВА І ЯГО ПАСПЯХОВЫ НАШЧАДАК

Прыгожая польская трохмачтавая шхуна “Капітан Борхардт” прамога дачынення да героя нашага аповеду быццам бы не мае. Аднак сувязь паміж ім і асобай, чыё імя было нанесена на борт гэтага карабля восенню 2011 года, усё ж існуе. Праз славу, якой дасягнуў сваімі справамі і творчасцю ўганараваны такім спосабам чалавек, нейкім чынам ажыццявіліся мары і спадзяванні таго, аб кім мы зараз павядзём гаворку.